काठमाडौं, कात्तिक ३ : नेकपा माओवादी केन्द्रका संयोजक पुष्पकमल दाहाल प्रचण्डकी छोरी गंगा दाहालले सचिवालयबाट राजीनामा दिँदै अलग भएकी छिन्।
गंगाले आफूलाई देखाएर आफ्ना सपता प्रचण्ड र सिंगो पार्टीविरुद्ध प्रहार भइरहेको कारण दर्शाउँदै राजीनामा दिएको बताएकी छिन्। 
राजिनामापछि उनले भनेकी छन्, ‘निरन्तर मलाई देखाएर नेकपा (माओवादी केन्द्र)का संयोजक प्रचण्ड र समग्र पार्टीविरुद्ध योजनावद्ध प्रहार भइरहेका कारणले गर्दा मैले संयोजकको सचिवालयबाट राजीनामा दिएकी छु।’ 
सचिवालयबाट अलग भए पनि पार्टीमा जिम्मेवार कार्यकर्ता भएर सधैं क्रियाशील रहने उनको भनाई छ । उनले सचिवालयमा रहँदा पार्टीका नेताहरू, कार्यकर्ताहरू र आम नागरिकले गरेको सहयोगप्रति हार्दिक आभार पनि व्यक्त गरेकी छन् । 
साभार : काठमाडौं प्रेस
                                    

6 घन्टा पहिले    2 Post Views