काठमाडौं, कात्तिक ९ : नवनियुक्त दुई मन्त्रीले शपथ ग्रहण गरेका छन्। 
राष्ट्रपति निवास शितलनिवासमा आयोजित विशेष समारोहमा राष्ट्रपति रामचन्द्र पौडेलले स्वास्थ्य तथा जनसंख्या मन्त्री डा. सुधा शर्मा गौतम र बयुवा तथा खेलकुद मन्त्री ब्लु गुप्तालाई पद तथा गाेपनियताकाे शपथ गराएका हुन्।
मन्त्रीका लागि चार जनाकाे नाम सिफारिस भएपनि २ जनाले मात्र शपथ लिएका हुन्।
शपथ ग्रहणमा उपराष्ट्रपति रामसहायप्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमानसिंह राउत, सभामुख देवराज घिमिरे उपस्थित थिए।
मन्त्री नियुक्तिको लागि तयार पारिएका अर्का दुई जनाको भने शपथ रोकिएको छ। भूमि सुधार मन्त्रीमा सिफारिस भएका गणपतिलाल श्रेष्ठ र श्रममन्त्रीमा सिफारिस भएका खगेन्द्र सुनारको शपथ रोकिएको हो।
श्रम मन्त्रीमा सिफारिस भएका सुनारको र भूमि सुधार मन्त्रीमा सिफारिस भएका श्रेष्ठको अनेक काण्ड बाहिर आउन थालेपछि अन्तिम समयमा आएर उनीहरुको शपथ ग्रहण ‘होल्ड’ गरिएको हो।
साभार : काठमाडौं प्रेस
                                    

4 घन्टा पहिले    3 Post Views