काठमाडौं, कात्तिक २७ : नेपाली कांग्रेसका महामन्त्री विश्वप्रकाश शर्माले विहीबार पार्टी बैठकमा ४८ बुँदे धारणा राखेका छन्। 
४८ बुँदे धारणामा पार्टी रुपान्तरण, नेताहरू बदलिनुपर्ने, दुई पटक मात्रै प्रधानमन्त्री बन्न सक्ने लगायतका प्रश्तावहरु छन्। उनले संघमा ११ र प्रदेशमा ५ सदस्यीय मन्त्रिमण्डल बनाउने, संवैधानिक परिषद् मार्फतबाट हुँदै आएका नियुक्ति मध्ये कतिपयलाई खुला प्रतिस्पर्धा मार्फत निश्चित सूची तय गरेर अन्तिम छनौटमा पुग्ने, अख्तियारको पुनर्संरचना गर्नेलगायत प्रश्ताव पनि उनले गरेका छन्। 
पार्टीको क्रियाशील सदस्यता टुंग्याएपछि वडा अधिवेशन र उमेदवारको प्राइमरी एकसाथ हुने बताउँदै पुसभित्रै महाधिवेशन गर्दा निर्वाचनलाई कुनै अप्ठेरो नपर्ने दाबी समेत गरे। 
शर्माले आमनिर्वाचनमा प्रत्यक्ष तर्फको सिट र लोकप्रिय मतको आधारमा बन्ने पहिलो दलले सरकारको नेतृत्व गर्ने र सरकार गठन गर्ने र दोस्रो र तेस्रो या अन्य दल पुरै अवधि सरकार बाहिर विपक्षमा बस्ने प्रश्ताव गरेका छन्।  
शर्माको प्रश्ताव अनुसार पहिलो दललाई सामान्य बहुमत नपुगेको स्थितिमा ‘विनर्स टेक अल’ को सिद्धान्त बमोजिम निर्वाचन अघि नै आयोगमा बुझाइएको विज्ञहरूको नामबाट अपुग सिट पहिलो दलले प्राप्त गर्ने उल्लेख छ। 
पहिलो दलले संसदीय दलबाट चयन गरेको सांसद संसदीय दलको नेता हुँदै नेपालको प्रधानमन्त्री बन्ने र मन्त्रिपरिषद्को गठन एकै चरणमा गर्ने प्रश्ताव पनि शर्माको छ। उनले प्रधानमन्त्रीले मन्त्रीको चयन सम्बन्धित मन्त्रालयको विज्ञताका आधारमा गर्ने प्रश्ताव समेत गरेका छन्।  
प्रधानमन्त्रीले शपथ ग्रहण गरेको मितिले १० दिनभित्र संसद्मा विश्वासको मत लिने र दुई वर्ष पुगेपछि त्यसको ३० दिनभित्र पुन विश्वासको मत लिने प्रशव समेत उनले राखेका छन्। 
उनको प्रश्ताव अनुसार दोस्रो पटक पनि विश्वासको मत पुनः प्राप्त गरेको अवस्थामा मात्र प्रधानमन्त्रीले बाँकी अवधि देशको नेतृत्व गर्ने छ । यस्तै, उनले निर्वाचन क्षेत्रको पुनरावलोकन गरेर सङ्घ र प्रदेश दुवैमा निश्चित आकार घटाउनुपर्ने बताएका छन्।
कांग्रेसमाथिको ऐतिहासिक दायित्व इमानका साथ निर्वाह गरेर रिफर्मसहित एकतामार्फत ‘पुरानो भावनाको कांग्रेस÷नयाँ संभावनाको कांग्रेस’ बलियो ढंगले स्थापित गर्नुपर्ने बताएका छन् । बदलिएको र बलियो कांग्रेस कांग्रेसका लागि भन्दा पनि देशका लागि बढी जरूरी रहेको शर्माले बताए । उनले पार्टीको भावनात्मक एकता बनाउन आह्वानसमेत गरेका छन् । महाधिवेशनको विषयलाई पनि एकताबद्ध भएर टुंगोमा पु¥याउनुपर्ने उनको भनाई छ। 
कांग्रेसमाथिको ऐतिहासिक दायित्व इमानका साथ निर्वाह गरेर रिफर्मसहित एकतामार्फत ‘पुरानो भावनाको कांग्रेस/नयाँ संभावनाको कांग्रेस’ बलियो ढंगले स्थापित गर्नुपर्ने बताएका छन्। बदलिएको र बलियो कांग्रेस कांग्रेसका लागि भन्दा पनि देशका लागि बढी जरूरी रहेको शर्माले बताए। 
उनले पार्टीको भावनात्मक एकता बनाउन आह्वानसमेत गरेका छन्। महाधिवेशनको विषयलाई पनि एकताबद्ध भएर टुंगोमा पुर्‍याउनुपर्ने उनको भनाई छ। 
महामन्त्री शर्माले सुदृढ र बलियो कांग्रेस देशको आवश्यकता भएकाले महाधिवेशनको सामान्य विवादमा अल्झिन नहुने बैठकमा बताए।
साभार : काठमाडौं प्रेस
                                    

2 दिन पहिले    10 Post Views