जनकपुरधाम , मंसिर ९ गते । विवाह पंचमी महोत्सव–२०८२ को अवसरमा नेपाल–भारत खुला सिमा संवाद समूह र क्लोथ बैंक नेपालले संयुक्त रुपमा प्रत्येक जस्तै यस वर्ष पनि नेपाल तथा भारतबाट आएका श्रद्धालु भक्तजनका लागि निशुल्क सेवा शिविर संचालन गरेको छ। मेलामा भक्तजनको भीडलाई ध्यानमा राखी आज बिहान ६:३० बजेदेखि चिया–बिस्कुट वितरणबाट शिविरको सुरुआत गरिएको थियो।
शिविर अन्तर्गत बिहान ९ बजेदेखि खाजा तथा प्राथमिक उपचार सेवा सुरु गरिएको र ११:३० बजेसम्ममा मात्रै ३,००० भन्दा बढी सेवाग्राहीले सेवा लिन भइसकेको समूहका अध्यक्ष डा. राजीव झाले जानकारी दिएका छन्। उनका अनुसार श्रद्धालु भक्तहरूको सहज यात्रालाई लक्षित गरी शिविरमा सर्वसाधारणका लागि थप व्यवस्था पनि मिलाइएको छ।
शिविरमा बिहानैदेखि प्रदेश सह–संयोजक दिपक यादव, कृष्ण कुमार साह, धनेश्वर ठाकुर, संजीव झा, उपाध्यक्ष शैलेन्द्र झा, क्लोथ बैंकका कोषाध्यक्ष रुबि झा, सहयोगी संजीव झा, अजीत झा, बाल अभियानी आदित्य झा, समाजसेवी श्याम झा, राष्ट्रिय मुक्ति पार्टीका अनुशासन प्रमुख संजय सिंह तथा स्वास्थ्यकर्मी दिलिप मिश्रलगायत voluntieerहरूले सक्रिय सेवा प्रदान गरिरहेको छन्।
शिविर सञ्चालनमा कैलाश जैन, प्रमोद चौधरी, नूतन झा, दिपेन्द्र झा, अजय साह, मुकुन्द चौधरी, शम्भु श्रीवास्तवलगायत दाताहरूले सहयोग गरेका छन्। साथै, १,००० भन्दा बढी यात्रुका लागि आवासको समेत व्यवस्था गरिएको क्लोथ बैंक नेपालका कोषाध्यक्ष रुबि झाले जानकारी दिएकी छन्।
निशुल्क सेवा शिविर आज बेलुका ७ बजेसम्म सञ्चालन हुनेछ।
                                    

2 महीना पहिले    99 Post Views