जनकपुरधाम, मंसिर २३ गते। राष्ट्रिय मुक्ति पार्टी नेपालले आगामी संघीय निर्वाचनका लागि धनुषा निर्वाचन क्षेत्र नम्बर–३ बाट पार्टी अध्यक्ष राजेन्द्र महतो र केन्द्रीय उपाध्यक्ष डा. राजीव झा लाई उम्मेदवारका रूपमा सिफारिस गरेको छ।
धनुषा जिल्ला अध्यक्ष राजेश चौधरी ‘राजु’ को अध्यक्षतामा बसेको जिल्ला कार्यसमितिको बैठकले दुवै नेताको नाम सर्वसम्मत रूपमा सिफारिस गर्ने निर्णय गरेको हो। सो निर्णयअनुसार आजै केन्द्रमा औपचारिक रूपमा नाम पठाइने जिल्ला कार्यसमितिले जनाएको छ।
स्थानीय स्तरमा लोकप्रिय तथा संगठन विस्तारमा सक्रिय भूमिका निर्वाह गर्दै आएका डा. राजीव झाले उम्मेदवारी दिने तयारी गरे पनि पार्टी अध्यक्षप्रति सम्मानस्वरूप राजेन्द्र महतोको नाम पनि सिफारिस गरिएको जिल्ला कार्यसमितिले जनाएको छ। यदि अध्यक्ष महतो धनुषाबाट प्रतिस्पर्धा गर्न इच्छुक भएमा उहाँलाई पूर्ण समर्थन गर्ने डा. राजीव झाले जानकारी गराएका छन्।
यो उम्मेदवारी प्रक्रियाले पार्टीलाई थप मजबुत बनाउने विश्वास नेतृत्वले व्यक्त गरेको छ। पार्टीले मधेसका अधिकार, समानता, सामाजिक न्याय तथा जनजीविकाका मुद्दालाई केन्द्रमा राख्दै आगामी निर्वाचनमा बलियो उपस्थिति जनाउने तयारी गरेको पनि जनाएको छ।
बैठकमा केन्द्रीय उपाध्यक्ष डा. राजीव झा, केन्द्रीय सचिव संजय चौधरी, अनुशासन विभाग प्रमुख संजय चौधरी, राजनीतिक समिति सदस्य द्वय दिपक यादव बिजय यादव के स संजय गाडिया, चन्देश्वर चौधरीलगायत केन्द्रीय नेताहरूको उपस्थित रहेको थियो।
                                    

6 दिन पहिले    21 Post Views