जनकपुरधाम, पुष १७ गते । अंग्रेजी नयाँ वर्ष २०२६ को अवसरमा क्लोथ बैंक नेपालले मानवतामूलक सेवाको सुरुवात गरेको छ। संस्थाका अध्यक्ष डा. राजीव झाको नेतृत्वमा शुक्रबार बिहान कबिर बाल आश्रममा रहेका बालबालिकाका लागि १५ थान ज्याकेट र ७ थान सिरक सहयोगस्वरूप हस्तान्तरण गरिएको हो।
नयाँ वर्षको पहिलो दिन बिहानै अध्यक्ष डा. झाले फोनमार्फत सबैलाई शुभकामना आदान–प्रदान गर्दै सेवामूलक कार्यलाई प्राथमिकतामा राखेका थिए। सहयोग सामग्री आश्रमका सञ्चालक संत सत्यनारायण आलोक जीलाई प्रदान गरिएको हो।
कार्यक्रममा डिआइजी गोविन्द थपलिया, समाजसेवी अमरचन्द्र अनिल, क्लोथ बैंक नेपालका उपाध्यक्ष पुरण गुप्ता, कोषाध्यक्ष रुबि झा, बिनोद ठाकुर, कृष्ण कुमार साह, राम टहल यादव, सुदिप महतो तथा पत्रकार बद्रीनाथ झा लगायतको उपस्थिति रहेको थियो।
कार्यक्रममा वक्ताहरूले क्लोथ बैंक नेपालको निरन्तर मानवीय सेवाले समाजमा सकारात्मक सन्देश प्रवाह गरिरहेको बताए। नयाँ वर्षको सुरुवात नै सेवाबाट गर्नु प्रेरणादायी र अनुकरणीय भएको उनीहरूको भनाइ छ।
                                    

6 घन्टा पहिले    89 Post Views