काठमाडौं ,माघ ६ गते । नेपाली कांग्रेसका महामन्त्री प्रदीप पौडेलले पार्टी विधि र विधान अनुसार परिवर्तनको बाटोमा हिँडेको दाबी गरेका छन्।
काठमाडौं ५ मा उम्मेदवारी दर्तापछि सञ्चारकर्मीहरूसँग कुरा गर्दै पार्टीका असन्तुष्ट पक्षले पनि स्वीकार्ने आधार बन्दै गएको बताए।

उनले भने, हामीले नेतृत्वप्रति असन्तुष्टि जनाएर प्रक्रियामा गयौँ। त्यसले नयाँ परिणाम ल्याएको छ। पार्टीका सबै अग्रजहरूले हामीले अगाडि बढाएको प्रक्रियालाई स्वीकार्ने दायरा फराकिलो हुँदै छ। पार्टीभित्रको सबै अन्तर्विरोध अन्त्य हुनेछ।
पार्टीको घोषणापत्र १० गते सार्वजनिक गर्ने बताए। उनले निर्वाचनपछि सरकार बनाउने अवस्था आए कसलाई प्रधानमन्त्री हुने भन्ने पनि घोषणापत्रमै उल्लेख भएर आउने बताए। कांग्रेसले भावी प्रधानमन्त्रीमा गगन थापालाई घोषणा गरेर चुनावमा जाने तयारी गरेको छ।
साभार : नेपाल प्रेस
 


                                    

26 दिन पहिले    35 Post Views