काठमाडौं, साउन २० : प्रमुख प्रतिपक्षी दल नेपाली कांग्रेसले सरकारको कार्यशैली, निर्णय प्रक्रिया, सुशासन र नागरिक सुरक्षाको अवस्थाप्रति गम्भीर असन्तुष्टि जनाएको छ ।
बुधबार पार्टी केन्द्रीय कार्यालय सानेपामा आयोजित पत्रकार सम्मेलनमा पार्टीका प्रवक्ता देवराज चालिसेले कांग्रेसले सरकार बलियो, स्थिर, पारदर्शी र उत्तरदायी होस् भन्ने चाहना राखेको स्पष्ट पार्दै त्यसलाई कमजोरीका रूपमा नबुझ्न आग्रह गरे ।
‘सरकार शुसान पारदर्शिता उत्तरदायित्व आधारमा बलियो र स्थिरता होस भन्ने चाहाना राख्नु हाम्रो कमजोरी हो,’ उनले भने, ‘कुनै पनि दलको वा सरकारको आन्तरिक मामिलामा टिप्पणी गर्न चाहदैनै तर सरकारको गतिविधिले समग्र लोकतान्त्रिक प्रणाली संवैधानिक मूल र नागरिक अधिकार माथि प्रश्न उठेको बोला मा हामी मौन रहन पनि सक्दैनौँ ।’ 
उनले कांग्रेसले कुनै पनि दल वा सरकारको आन्तरिक मामिलामा टिप्पणी गर्न नचाहे पनि सरकारका गतिविधिका कारण लोकतान्त्रिक प्रणाली, संवैधानिक मूल्य–मान्यता र नागरिक अधिकारमाथि प्रश्न उठिरहेका बेला मौन बस्न नसकिने बताए ।
प्रवक्ता चालिसेले सरकारको कार्यशैली, निर्णय प्रक्रिया तथा सुशासनका क्षेत्रमा देखिएका कमजोरी सच्याउन आवश्यक रहेको भन्दै कांग्रेसले जिम्मेवार प्रतिपक्षको भूमिका निर्वाह गरिरहेको बताए । उनले सुनसरीको देवानगञ्ज–कप्तानगञ्ज घटनाको उदाहरण दिँदै उक्त घटनामा सरकारले संयमता र जवाफदेहिता दुवै गुमाएको आरोप लगाए । पछिल्लो समय देशका विभिन्न स्थानमा देखिएका घटनाले सरकारी सुरक्षा प्रणालीको कमजोरी र नीतिगत अस्पष्टता उजागर गरेको तथा त्यसका कारण नागरिकको सुरक्षा थप असुरक्षित बनेको उनको बताए । 
‘सुनसरीको देवानगञ्ज–कप्तानगञ्ज घटनमा सरकारले सम्यन्ता पनि गुमायो जबाफदेहिता पनि सरकारको देखिएन,’ उनले भने, ‘पछिल्लो देशको विभिन्न स्थानमा देखिएको सरकारी सुरक्षा प्रणालीको कमजोरी र सुरक्षा अविज्ञता नीतिगत अविज्ञताले नागरिक सुरक्षा लाई थप असुरक्षित गरेको छ ।’ 
सुनसरीको लाहान घटनामा समेत राज्य प्रभावकारी रूपमा उपस्थित हुन नसकेको आरोप लगाउँदै उनले सरकारका जिम्मेवार व्यक्तिहरू सामाजिक सञ्जालमा सीमित भएको आरोप लगाए । 
प्रवक्ता चालिसेले राष्ट्रमा देखिएको संकट कुनै एक सरकार वा राजनीतिक दलको मात्र नभई सम्पूर्ण राष्ट्रको साझा चुनौती भएको बताए ।
साभार ः काठमाडौं प्रेस