जनकपुरधाम, फागुन १३ गते । जनकपुरधाम साप्ताहिक बृहत् सरसफाइ कार्यक्रमअन्तर्गत शुक्रबार जानकी मन्दिर परिसर सफाइ गरिएको छ। स्वस्थ, स्वच्छ र सफा जनकपुरधाम बृहत् सरसफाइ अभियान साप्ताहिक कार्यक्रमअन्तर्गत दोस्रो साता जानकी मन्दिर परिसर सफाइ गरिएको हो। साताको प्रत्येक शुक्रबार जनकपुरधामका विभिन्न स्थानको सफाइ गरिने धनुषाका प्रमुख जिल्ला अधिकारी काशीराज दाहालले जानकारी दिनुभयो। यस सफाइ अभियानमा स्थानीय एकजुट भए सधैँ जनकपुरधाम सफा हुने उहाँले बताउनुभयो। 
जनकपुरधामलाई स्वस्थ, स्वच्छ र सफा बनाउने अभियानमा धनुषाका प्रमुख जिल्ला अधिकारी सहितको टोली, जनकपुरधाम उपमहानगरपालिका, सशस्त्र प्रहरी बल, जिल्ला प्रहरी कार्यालय, नागरिक समाजलगायतको सहभागिता थियो।    साभार : गोरखापत्र
                                    

3 वर्ष पहिले    554 Post Views