जनकपुरधाम । रौतहटको गढीमाई नगरपालिका ८ मा गोली चलेको छ । दुई पक्षबीच भएको झडपमा गोली चल्दा एक जनाको मृत्यु भएको हो ।गोली लागेर मृत्यु हुनेमा स्थानीय राजकुमार राय यादव छन् । झडपको क्रममा गोली लागेर यादवको मृत्यु भएको पुष्टि रौतहटका प्रहरी प्रमुख एसपी वीरबहादुर बुढामगरले गरे ।उनका अनुसार गोली कसले चलाएको कुरा खुल्न सकेको छैन । प्रहरी घटनास्थल पुगिसकेको छ । घटनामा राम प्रताप यादव, कपिलदेव राय, निरञ्जन यादव लगायतका व्यक्ति घाइते भएका छन् ।जग्गा सम्बन्धी विवादपछि दुई पक्षबीच झडप भएको बताइएको छ । यसबारे विस्तृत विवरण आउन नसकेको प्रहरीको भनाई छ ।साभार : नेपाल प्रेस
