काठमाडौं । भारत तफै जादै गरेको भ्यान चेकजाँचका क्रममा प्रहरीले  आधा किलो भन्दा बढी सुन र  करिब ६ किलो चाँदी तीन जनालाई पक्राउ गरेको छ । शुक्रबार बेलुका  विराटनगर १५ बाट सुन–चाँदी र भारतीय रकमसहित तीन जना पक्राउ परेका हुन् ।कोशी प्रदेश प्रहरी प्रवक्ता प्रहरी उपरीक्षक ऋषिराम कडेलका अनुसार  विराटनगर महानगरपालिका– १५ बाट विराटनगर– २ का ५२ वर्षीय बिमल कामत, भारत बिहार कटीहारका ६१ बर्षीय बिनोदकुमार मुरारका र ५६ वर्षीया पुष्पा मुरारका  पक्राउ परेका  छन् । विराटनगर २ का कामत  केएल दुगड ग्रपुका  सवारी चालक हुन् ।  बिनोद र पुष्पा श्रीमान श्रीमती हुन् । बिनोद  केएल दुगड ग्रुपका लेखापाल रहेकाे प्रहरीले बताएकाे छ ।उनीहरु सवार  को२ च १४९५ नम्वरको इको भ्यानबाट ५३ तोला सुन, ६ किलो चाँदी  र सात लाख ९५ हजार २  सय रुपैयाँ भारतीय रुपैयाँ पनि बरामद भएको  हो  । बरामद सुन  चाँदीका नगद करिब  ९० लाख रुपैयाँ बराबर रहेको प्रहरीले बताएको छ ।प्रहरीले सुनको  बिस्कुट, सिक्का, कनौती बरामद गरेको थियो । चाँदीको ढक्का, सिक्का,दाना, कचौरा थाल,  चम्चा, गिलासलगायत कच्चा पदार्थ  बरामद गरेको थियो ।साभार : कोसी अनलाइन