काठमाडौं, वैशाख २९ गते । नेपाली कांग्रेसका केन्द्रीय सदस्य एवम् सांसद डा. आरजु राणा देउवा भागेर सिंगापुर गएको हल्ला निराधार भएको सचिवालयले जनाएको छ । पूर्व प्रधानमन्त्री एवम् नेपाली कांग्रेसका सभापति शेरबहादुर देउवाका स्वकीय सचिव भानु देउवाले भन्नुभयो, ‘‘उहाँ काठमाडौंमै हुनुहुन्छ, सामाजिक सञ्जालमा चलाएका हल्ला निराधार हुन‍्।’’डा. आरजु सभापति देउवाकी श्रीमती हुनुहुन्छ । स्वकीय सचिव देउवाका अनुसार, उहाँ हिजो कांग्रेस नेता अजय चौरसियाको छोराको विवाह समारोहमा भाग लिन वीरगञ्ज जानु भएको थियो, त्यसपछि हिजै हेटौंडामा एउटा मार्टको उद्घाटन र महिला सशक्तीकरणका लागि प्रदेश सरकारको भूमिका विषय अन्तरक्रियामा सहभागी भई काठमाडौं फर्कनु भएको छ । एउटा युट्युव च्यानलले ‘आरजु वीरगञ्जबाट भारत हुँदै सिंगापुर गएको’ भन्ने सामग्री प्रसारण गरेको थियो ।साभार : गोरखापत्र अनलाइन


                                    

2 वर्ष पहिले    159 Post Views