काठमाडौं । उपप्रधानमन्त्री तथा रक्षा मन्त्री पूर्णबहादुर खड्काले वर्तमान सरकार बिपी कोइरालाबाट प्रेरित भएर लोभ र डर बाट मुक्त भई देश र जनताको पक्षमा काम गरिरहेको बताएका छन् ।बिपी स्मृति दिवसका अवसरमा बिपी संग्रहालय सुन्दरी जलमा आयोजितलाई समारोह लाई सम्बोधन गर्दै उपप्रधानमन्त्री खड्काले संविधानमा सुनिश्चित गरिएका नागरिकका सबै अधिकार र सामाजिक न्यायका कामहरू बिपी कोइरालाको सिद्धान्त अनुरूप भएको बताएका हुन् ।
बिपी कोइरालाले नागरिकलाई अधिकार सम्पन्न बनाउन बेला बेलामा कठोर निर्णय लिने गरेको स्मरण गर्दै उपप्रधानमन्त्री खड्काले अहिले आफूहरूले पनि कुनै कठिन राजनीति निर्णय गर्दा होस वा पार्टी र सरकार सञ्चालन गर्दा बिपी कोइरालालाई सम्झेर निर्णय गर्ने गरेको बताए ।बिपी कोइरालाको सिद्धान्त अनुरूप नै अहिलेको संविधानले नागरिकका धेरै अधिकार सुरक्षित गरेको र अब सरकार र राजनीतिक शक्तिहरूले जनतामा थप विश्वास जगाउने गरी काम गर्न सके बिपी कोइराला प्रति सच्चा सम्मान एवम् श्रद्धाञ्जली हुने उपप्रधानमन्त्री खड्काको भनाइ थियो ।
 

उपप्रधानमन्त्री खड्काले सुन्दरीजल स्थिति बिपी संग्रहालयमा कांग्रेस संस्थापक नेता बिपी कोइराला, गणेशमान सिंह र कृष्णप्रसाद भट्टराई लगायतका नेताहरूको सालिकमा माल्यार्पण गर्नु साथै संग्रहालय परिसरमा वृक्षारोपण समेत गरेका थिए ।साभार : नेपाल प्रेस
                                    

1 वर्ष पहिले    102 Post Views