जनकपुरधाम, भदौ २० गते । नेपाली कांग्रेसका सह—महामन्त्री महेन्द्र यादवमाथि भएको आक्रमण निन्दनीय रहेको र दोषीलाई कडा कारवाही गर्न नेपाली कांग्रेस धनुषाले मांग गरेको छ । घटना सम्बन्धमा प्रतिक्रिया दिदै नेपाली कांग्रेस धनुषाका सह—सचिव विजय कुमार यादवले आक्रमण गर्ने व्यक्तिलाई कानुनी कारवाही गर्न सरकारसंग मांग गरेको छ । नेपाली कांग्रेस धनुषाका प्रचार प्रसार शाखा प्रमुख समेत रहेका यादवले सह—महामन्त्री यादवमाथि दिउँसै हात हतियारसहित आक्रमण हुनु सुरक्षा व्यवस्थामाथि प्रश्न चिन्ह खडा भएको बताए । नेपाली कांग्रेसका सहमहामन्त्री यादव माथि काठमाडौंको रिपोर्टर्स क्लवमा आयोजित कार्यक्रममा भाग लिएर बाहिरिने क्रममा आक्रमण भएको हो ।
                                    

2 वर्ष पहिले    290 Post Views