जनकपुरधाम,असोज १७ गते । नेकपा एकीकृत समाजवादी पार्टीका अध्यक्ष माधव कुमार नेपालले प्रधानमन्त्री बन्ने पालो पर्खेर नबसेको स्पष्ट पारेका छन् ।मेची-महाकाली राष्ट्रिय समाजवादी जागरण अभियानको क्रममा जनकपुरधाम पुगेका उनले आज पत्रकार सम्मेलनमा भने, ‘प्रधानमन्त्री बन्ने मौका कहिले आउँछ भनेर ढुकेर बसेको छैन।’उनले वर्तमान सरकारलाई नै सहयोग गर्ने र अगाडी बढाउनुपर्ने बताए । उनले भने, ‘प्रधानमन्त्रीले राम्रा काम गर्न खोज्नु भएको छ । तर गर्न सकिरहेका छैन् । उहाँलाई राम्रा कामका लागि सघाउर्नुपर्छ ।’अध्यक्ष नेपालले अभियानका क्रममा मधेशमा अपार समर्थन देखेर हृदय गद्गद् भएको बताए । उनले मधेशमा व्यापक उत्साह देखेर आफू पनि उत्साहित बनेको बताए ।‘गरिब र बेसहराका लागि अझै समाजवाद नआएको महसुस भयाे, त्यसकाे लागि  म अगाडि बढेको छु’ उनले भने । बेरोजगारी समस्या समाधान गर्न सबभन्दा बढी जरुरी भएको उनको भनाई थियो ।तीन दिन अगाडि काकडभिट्टाबाट नेकपा एसले अभियान सुरु गरेको थियो । अभियानमा सहभागी नेताहरु हिजो जनकपुरधाम पुगेर विश्राम गरे छन् ।  


साभार : नेपाल प्रेस
                                    

2 वर्ष पहिले    247 Post Views