काठमाडौं,असोज १७ गते ।  सरकारले शहरी विकास मन्त्रालयको सचिवको जिम्मेवारी मणिराम गेलाललाई दिएको छ । मंगलबारको मन्त्रिपरिषद् बैठकले प्रधानमन्त्री तथा मन्त्रिपरिषद्को कार्यालमा (इन्जिनियरिङ्ग) सचिवको जिम्मेवारीमा रहेका गेलाललाई शहरी विकास मन्त्रालयको रिक्त सचिवमा पठाउने निर्णय भएको हो ।शहरी विकास मन्त्रालयका सचिव रवीन्द्रनाथ श्रेष्ठले अनिवार्य अवकाश लिएसँगै रिक्त सचिव पदका लागि तीन सचिवको दौडधुप चलेको थियो ।राष्ट्रिय सतर्कता केन्द्रका सचिव सुरेश आचार्य, शिक्षा, विज्ञान प्रविधि मन्त्रालयका सचिव प्रमीलादेवी बज्राचार्य र खानेपानी मन्त्रालयका सचिव रामआधार साह शहरीको सचिवका लागि पहल गरिरहेका थिए ।साभार : नेपाल प्रेस
                                    

1 वर्ष पहिले    174 Post Views