जनकपुरधाम ,कार्तिक २१ गते ।  बालबालिकामा राजनीतिप्रति बढेको वितृष्णा कम गर्न तथा संसदीय अभ्यासको विषयमा अभ्यस्त गराउन मधेश प्रदेश स्तरीय नमूना बाल संसद् सभा बैठक सम्पन्न भएको छ ।बालबालिकामा रहेको अन्तर्निहित क्षमताको विकास गर्दै नेतृत्व क्षमताको विकासका लागि सेभ द चिल्ड्रेन र आसमान नेपालको सहकार्यमा जनकपुरधाममा नमूना संसद् बैठक आज सम्पन्न भएको हो । नमूना बाल संसदमा १५ वर्षदेखि १७ वर्षसम्मका बालबालिकाहरू सहभागी रहेका थिए ।
आसमान नेपालको सङ्कल्प परियोजना मार्फत भएको मधेश प्रदेशको नमूना संसदमा ४ मन्त्रीसहित १८ सत्तापक्ष तथा १४ जना प्रतिपक्षी वाल सांसदका बीचमा प्रदेश सभा सञ्चालनको विषयमा अभ्यास गरिएको थियो । विद्यार्थीहरूले निक्कै अभ्यस्त तरिकाले संसदीय गतिविधि सञ्चालन गरेका थिए ।

नमूना वाल संसद्को निर्माण पनि क्लष्टरको आधारमा गर्नुका साथै वालिकाको सहभागिता उच्च बनाउने काम भएका थिए । यसमा प्रदेश प्रमुख, मुख्यमन्त्री, सभामुख, सहितका महत्वपूर्ण पदहरूमा बालबालिकाहरू नै रहेका थिए ।साभार : रेडियो नेपाल
                                    

1 वर्ष पहिले    281 Post Views