जनकपुरधाम, मंसिर १२ गते । मधेश प्रदेशको राजधानी जनकपुरधाममा रामजानकी विवाह महोत्सव भव्य रुपमा मनाउने निर्णय गरेको जनकपुरधाम उपमहानगरपालिकाले महोत्सवको तयारी तीब्र पारेको छ । महोत्सवको तयारीका लागि जनकपुरधाम उपमहानगरपालिकाका नगर प्रमुख मनोज कुमार साहले रंगभुमि मैदान बाह् विघाको निरिक्षण गरेका छन । मंगलवार जनकपुरधाम उपमहानगरपालिकाका जनप्रतिनीधि , कर्मचारी , स्थानीयवासी र सहयोगीहरुसंग रंगभुमि मैदान पुगेका साह आउंदो विवाहपंचमी महोत्सवलाई लक्षित गरि श्रद्धालुहरुको आवागमन हुनु पहिलादेखि नै सर—सफाईलाई तिव्रता दिन कर्मचारीहरुलाई निर्देशन दिएका छन । माता सीता र भगवान श्रीरामको विवाह भएको स्मरणमा प्रत्येक वर्ष धुमधामका साथ विवाहपंचमी महोत्सव मनाउने गरिन्छ । प्रत्येक वर्ष विवाहपंचमी महोत्सवलाई श्रृंगार्न सम्बन्धित निकायहरुको छुट्टै बैठक बसी मेलालाई व्यवस्थित गर्न विभिन्न समिति र उपसमितिहरु गठन गरिन्छ ।
                                    

1 वर्ष पहिले    261 Post Views