जनकपुरधाम, पुष १८ गते ।नेपाली काँग्रेसका केन्द्रीय सदस्य एवम पूर्व उपप्रधानमन्त्री बिमलेन्द्र निधीले लोकतन्त्र बलियो भए मात्र मुलुक र मुलुकका नागरिक मजवुत हुने भन्दै लोकतन्त्रलाई मजवुत बनाउन काँग्रेसलाई मजवुत बनाउनुपर्नेमा जोड दिएका छन । बुधवार नेपाली कांग्रेस धनुषा क्षेत्र नं. ३(२) को प्रदेश क्षेत्र स्तरीय कार्यकर्ता भेटघाट कार्यक्रमलाई सम्बोधन गर्दै नेता निधीले लोकतन्त्र बिरोधी केही व्यक्तिले हल्ला गर्दैमा व्यवस्था परिवर्तन नहुने बताएका छन् । उनले नेपाली जनताकै आन्दोलनको बलमा मुलुक संघीय गणतन्त्रात्मक व्यवस्था आएकाले त्यसलाई बदल्ने शक्ति कसैमा पनि नरहेको जिकिर गरे । नेपाली कांग्रेस धनुषा क्षेत्र नं. ३(२) को प्रदेश क्षेत्रका सभापति रामचन्द्र पंजियारको अध्यक्षतामा भएको सो कार्यक्रममा नेपाली काँग्रेसका प्रदेशसभा सदस्य रामसरोज यादव , पुर्व सांसद स्मृति नारायण चौधरी , प्रमिला दास , नेपाली कांग्रेस धनुषा सचिव कन्हैया कर्ण , नेपाली कांग्रेसका नेता गणेश तिवारी सहितका नेता कार्यकर्ताहरुको उपस्थिति रहेको थियो ।
 
 
 
 
 
                                    

2 वर्ष पहिले    301 Post Views