रौतहट ,माघ १ गते ।  नेपाल प्रेस युनियन रौतहट शाखाको प्रथम जिल्ला भेलाले अक्षयकोष स्थापना गरेको  छ । युनियनको जिल्ला भेलामा निवर्तमान अध्यक्ष यादवराज पुरीले आफ्नो स्व.पिता लालबहादुर पुरीको नाममा रु.एक लाख ११ हजार एक सय एक रुपैयाँको अक्षय कोष स्थापन गर्ने घोषण गरेका हुन्।चन्द्रपुर नगरपालिका ६ स्थित जिपी उद्यान पार्कमा  नेपाल प्रेस युनियन रौतहटको प्रथम जिल्ला भेला आयोजना गरिएको थियो । भेलामा आगामी दिनमा संगठनलाई अझ सुदृढ बनाउन विभिन्न एजेन्डाहरूको विषयमा छलफल गरिएको थियो ।
नेपाल प्रेस युनियन रौतहटका अध्यक्ष प्रिमेश शिवाकोटीका अनुसार भेलामा नेपाल पत्रकार महासंघका केन्द्रीय सदस्य शिव पुरी,नेपाल प्रेस युनियनका केन्द्रीय सदस्य सञ्जय कार्की,संस्थापक जिल्ला अध्यक्ष रत्न अधिकारी, प्रेस युनियन मधेस प्रदेश लेखा समिति संयोजक रञ्जन खरेल,वरिष्ठ पत्रकार प्रभात झा, नेपाल प्रेस युनियनका सचिव सागर हुमागाई लगायत युनियनका सदस्यहरूको सहभागिता रहेको थियो ।साभार : रातोपाटी
 
                                    

2 वर्ष पहिले    266 Post Views