दिपेश मल्लिक
जनकपुरधाम, चैत १७ गते । जनकपुरधाम उपमहानगरपालिकाको आयोजनामा दोस्रो मेयर कप टी २० क्रिकेट प्रतियोगिता - २०८० शुक्रवार देखि शुरु भएको छ।
प्रतियोगिताको उद्दघाटन गर्दै मधेश प्रदेश प्रमुख एवं प्रमुख अतिथि सुमित्रा सुवेदी भण्डारीले युवाहरु अनावश्यक कुराहरुवाट ध्यान हटाई खेलकुदमा केन्द्रित भए गलत दिशामा जाने सम्भावना कम रहने बताईन् ।
उनले युवाहरुको शारिरिक, मानसिक र व्यक्तित्व विकास गर्नका लागि खेलकुद अत्यन्त महत्वपूर्ण रहेको ध्यानाकर्षण गराईन ।
त्यसैगरि कार्यक्रममा बोल्दै मधेश प्रदेश सरकारकी युवा तथा खेलकुद मन्त्री सुरिता साहले खेलकुद मैदान बनाउनु प्रदेश सरकारको प्राथमिकतामा रहे पनि संघ सरकार र निजामति कर्मचारीको कारणले रंगशाला निर्माण कार्यले गति लिन नसकेको दुखेसो व्यक्त गरिन् ।
उनले सरकार उथलपुथलका कारण योजना सहि समयमा सम्पन्न हुन नसकेको गुनासो गरिन् ।
जनकपुरधाम उपमहानगरपालिकाका मेयर मनोज कुमार साहले मधेश प्रदेशको राजधानी समेत रहेको जनकपुरधाममा एउटा अन्तराष्ट्रिय स्तरको रंगशाला निर्माण गर्ने परिकल्पना अनुरुप राम जानकी बहुउद्देश्य अन्तराष्ट्रिय रंगशाला निर्माणलाई जनकपुरधाम उपमहानगरपालिकाको पहिलो प्राथमिकता हुने प्रतिबद्धता व्यक्त गरे ।
 उनले रंगशालालाई मूर्तरुप दिन स्थानीय तह र प्रदेश सरकारको अर्जुन दृष्टि हुनुपर्ने बताए ।
मेयर साहको अध्यक्षतामा सञ्चालन भएको कार्यक्रममा जनकपुरधाम उपमहानगरपालिका उपमेयर किशोरी साह, नेपाली कांग्रेसका नेता जिवनाथ चौधरी, नेपाली कांग्रेस धनुषाका उपसभापति गणेश झा, जिल्ला क्रिकेट संघका अध्यक्ष शोभाकान्त पाण्डे, सरोज मिश्रा लगायतको उपस्थिति रहको थियो ।
                                    

8 महीना पहिले    322 Post Views