काठमाडौं ,असार ३ गते । प्रधानमन्त्री केपी शर्मा ओलीलाई सुनचाँदी व्यवसायी आवद्ध संघसंस्थाका प्रतिनिधिले भेटेर बजेटमा राखिएको विलासिता कर हटाउन ध्यानाकर्षण गराएका छन् । उनीहरूले करले व्यवसाय धरासयी हुने भन्दै पुनः विचारको माग गरेका हुन् ।
प्रधानमन्त्रीकहाँ नेपाल सुनचाँदी रत्न तथा आभूषण महासङ्घका अध्यक्ष किसान सुनार, नेपाल सुनचाँदी व्यवसायी महासङ्घका अध्यक्ष अर्जुन रसाइली र नेपाल रत्न तथा आभूषण सङ्घका अध्यक्ष सुमनमान ताम्राकारसहितको टोली पुगेको थियो ।

ती संस्थाहरूले कर र भन्सारका दर छिमेकी भारतको भन्दा बढी हुँदा नेपाली व्यवसायले प्रतिस्पर्धा गर्न नसक्ने भएकाले उक्त व्यवस्था कायम रहेमा आफूहरू आन्दोलनमा जान बाध्य हुने चेतावनी दिएका थिए ।प्रधानमन्त्री ओलीले संवादबाट समस्याको समाधान खोज्न आफूले सम्बन्धित मन्त्रालयसँग बुझ्ने र मिल्नेसम्मका माग पूरा गर्न लागिपर्ने विश्वास दिलाउँदै आन्दोलनको बाटोमा नलाग्न आग्रह गरे ।

साभार : नेपाल प्रेस
                                    

8 महीना पहिले    429 Post Views