जनकपुरधाम , चैत २८ गते । जनकपुरधाम उपमहानगरपालिका वडा नं. ११ ले वडाका २५ जना ज्येष्ठ नागरिकहरुलाई सम्मान गरेको छ । वडा कार्यालयमा एक समारोहका बीच वडाका ८० वर्ष उमेर कटेका कुल २५ जना ज्येष्ठ नागरिकहरुलाई सम्मान गर्नुका साथै स्वास्थ्य सामग्री पनि वितरण गरिएको छ । 
प्रमुख अतिथि एवं जनकपुरधाम उपमहानगरपालिकाका नगर प्रमुख मनोज कुमार साहले सहयोग सामग्री वितरण गर्दै ज्येष्ठ नागरिकलाई सम्मान गर्ने परिपाटीले समाजमा सकारात्मक सन्देश जाने बताए ।मेयर साहले वडा नं. ११ ले गरेको काम सराहनिय रहेको भन्दै वडाहरुमा फोहर व्यवस्थापनको काम चुस्त रुपमा हुन नसकेको गुनासा मेटन आग्रह गरेका थिए । 
वडाध्यक्ष अर्जुन चौधरीले अग्रजहरुलाई गम्छा ओढाएर सम्मान गर्नुका साथै कम्वल, तन्ना, च्यवनप्राश र खाजा पनि वितरण गरिएको बताए । वडा अध्यक्ष चौधरीको अध्यक्षतामा भएको कार्यक्रममा वडा सदस्य बलराम गुप्ताले कार्यक्रम संचालन गरेका थिए ।
                                    

2 वर्ष पहिले    400 Post Views