दिपेश मल्लिक 
जनकपुरधाम, वैशाख ४ गते । प्रदेशको राजधानी जनकपुरधाममा अक्षर विद्यामन्दिर विद्यालयले विगत एक दशक देखि अन्तर्राष्ट्रिय स्तरको शिक्षा प्रदान गर्दै आएको सर्वविदितै छ । 
यस विद्यालयमा नयां शैक्षिक सत्र कक्षा १ देखि ५ सम्मका विद्यार्थीहरुका लागि अक्सफोर्ड विश्वविद्यालय प्रेसको शिक्षण सिकाई पद्धति लागु हुने भएको छ । 
अक्सफोर्ड विश्वविद्यालय प्रेसले विद्यालय स्तरको लागी शिक्षण सिकाई पद्धति तयार पारेको विद्यालय व्यवस्थापन समितिका अध्यक्ष पंकज जालानले जानकारी दिए । 
अध्यक्ष जालानले अक्सफोर्ड विश्वविद्यालय प्रेसले विद्यालय स्तरकोलागी तयार पारेको शिक्षण सिकाई पद्धति जनकपुरधाममा पहिलो चोटी लागुहुन गईरहेको अनुभूति गराए ।
उनले पद्धतिमा विद्यार्थीहरुलाई घोकाउने नभएर प्रोजेक्टहरुको माध्यमबाट बुझ्ने गरि अध्ययन–अध्यापन गराउने ब्यवस्था रहेको बताए । 
अक्सफोर्ड विश्वविद्यालय प्रेसले विद्यालय स्तरकोलागी तयार पारेको शिक्षण सिकाई पद्धतिले विद्यार्थीहरुको व्यक्तिगत भविष्य र शैक्षिक सफलताकोलागी बलियो आधार निर्माण गर्ने जनाए ।  
उनले प्रेसले नियमित रुपमा शिक्षकहरुलाई प्रशिक्षण दिने र वंहाहरु विद्यार्थीहरुलाई अध्ययनअध्यापन गराई एउटा असल नागरिक बन्न प्रोत्साहन गर्ने विश्वास व्यक्त गरे । साथै यस वर्षदेखि विद्यालयमा विज्ञान, व्यवस्थापन तथा कानुन विषयमा कक्षा ११ को पठन पाठन गराउने योजना रहेको उल्लेख गरे ।
                                    

28 दिन पहिले    163 Post Views