दिपेश मल्लिक 
जनकपुरधाम, वैशाख ७ गते । मधेश प्रदेशको राजधानी जनकपुरधाममा राष्ट्रिय हरवाचरवा अधिकार मञ्चको दुई दिने बैशाख ७ र ८ तेश्रो राष्ट्रिय सम्मेलनको आयोजना भएको छ । 
शुक्रवार मञ्चको उदघाट्न समारोहमा वक्ताहरुले हरवाचरवाको न्यायिक पुनःस्थापना हाम्रो सरोकार, शिक्षा, स्वास्थ्य, रोजगारी र सामाजिक सुरक्षा हाम्रो अधिकार भन्ने मुल नाराका रहेकाे जोड दिए । 
मधेश प्रदेश सरकारको भूमी व्यवस्था, कृषि तथा सहकारी मन्त्री एवं प्रमुख अतिथि गोविन्द बहादुर न्यौपानेले मधेश सरकारको निति कार्यक्रममा हरवाचरवालाई व्यवस्थित, सुचिकृत र पहिचान गर्ने उल्लेख रहेको बताए । 
मन्त्री न्यौपानेले हरवाचरवाको लागि कार्यक्रम पशुपालन र कृषिमा बजेट छुट्याइएको समेत ध्यानाकर्षण गराए । 
उनले गत वर्ष हरवाचरवा अधिकार मञ्चले गरेको कामकाजको लेखाजोखा हुनुपर्ने भन्दै तेश्रो राष्ट्रिय सम्मेलनवाट आउने नव कार्यसमितिलाइ शुभकामना दिए । 
कार्यक्रमा राष्ट्रिय हरवाचरवा अधिकार मञ्चको केन्द्रिय महासचिव लागेन्द्र सदाले मुक्त हरवाचरवाको न्यायिक पुनःस्र्थापना हाम्रो सरोकार रहेको बताए । 
उनले हाम्राे कानुन बमाेजिम मांग पूरा नभए आगामी दिनमा हरवाचरवाकाे पुनस्थापनको लागि ८ जिल्लामा ससक्त आन्दोलन गर्ने वाचा गरे । 
सम्मेलन राष्ट्रिय हरवाचरवा अधिकार मञ्चका केन्द्रिय अध्यक्ष दशनलाल मण्डलको अध्यक्षतामा सम्पन्न कार्यक्रममा संरक्षक राष्ट्रिय दलित नेटवर्कका गणेश विश्वकर्मा, द फ्रिडम फण्डका सल्लाहकार बालाराम भट्टराई, ब्रहमदेव राम, महिला अवाजकी ललिता कुमारी महासेठ लगायतको उपस्थिति रहेको थियो ।
                                    

2 वर्ष पहिले    327 Post Views