काठमाडौं, वैशाख ९ : महिला बालबालिका तथा जेष्ठ नागरिकमन्त्री भगवती चौधरीले पत्रकारिता जगत राज्यको तेस्रो आँखा भएको बताएकी छिन्। 
आइतबार काठमाडौंमा आयोजित नेपाल आदिवासी जनजाति महासंघको सम्मान कार्यक्रममा उनले पत्रकार जगतलाई राज्यले चौथो अंगको रुपमा हेरेको भएतापनि आफ्नो नजरमा पत्रकार संसारलाई सूचना सम्पे्रषण गराउने राज्यको तेस्रो आँखा भएको बताइन्। 
उनले भनिन्, ‘पत्रकार जगतलाई राज्यले चौथो अंगको हेरिन्छ तर चौथो अंग मात्र होइन्। म त तेस्रो आँखा भन्छु। पत्रकारिताले संसारलाई सूचना सम्पे्रषणा गराउने अथवा जनताको हक अधिकारको विषयमा वकालत गराउने काम गर्ने भएकाले तेस्रो आँखा हो।’
उनले सत्य तथ्यमा आधारित रहेर मात्र समाचार सम्प्रेषणका लागि सबै पत्रकारहरुमा अपिल गरिन्। पत्रकारहरुको पारिश्रमिकको राम्रो व्यवस्था नहुँदा पत्रकारिता क्षेत्रमा समस्या रहेको उनको भनाइ छ। 
साभार : काठमाडौं प्रेस
                                    

23 दिन पहिले    66 Post Views