जनकपुरधाम, वैशाख २२ गते । मधेश प्रदेश जनकपुरधाममा नेपाल लोकतान्त्रिक यातायात व्यवसायी संघ मधेश प्रदेशको प्रथम अधिवेशन कार्यक्रम सम्पन्न भएको छ । नेपाली कांग्रेसको शुभेच्छुक संस्था नेपाल लोकतान्त्तिक यातायात व्यवसायी संघको शनिवार अधिवेशन कार्यक्रम गरिएको हो । नेपाल लोकतान्त्रिक यातायात व्यवसायी संघका प्रदेश संयोजक हरिनारायण यादवको अध्यक्षतामा सम्पन्न कार्यक्रममा प्रमुख अतिथि एवं मधेश प्रदेश सरकारका पूर्व मन्त्री विरेन्द्र प्रसाद सिंहले अधिवेशनवाट कुशल नेतृत्व चयन गर्न आग्रह गरे । 
उनले यातायात व्यवसायीहरुको संरक्षण तथा समवर्धनका लागि निति र सिद्धान्तका साथ अगाडि बढ्नुपर्ने धारणा राखे । मन्त्री सिंहले तरल राजनितिक अवस्थाका कारण कुनै पनि व्यवसायको अवस्था ठिक नभएको ध्यानाकर्षण गराए । उनले मधेशको नाम भजाएर तथा निति सिद्धान्त नभएको पार्टिलाई विस्थापित गर्नुपर्ने धारणा राख्दै मिश्रीत निर्वाचन प्रणालि प्रति दुखेसाे व्यक्त गरे । 
अधिवेशन कार्यक्रमका विशिष्ट अतिथि जनकपुरधाम उपमहानगरपालिकाका मेयर मनोज कुमार साह, नेपाल लोकतान्त्तिक यातायात व्यवसायी संघका केन्द्रिय अध्यक्ष योगेन्द्रनाथ कमाचार्य , नेपाली कांग्रेस धनुषाका उपसभापति गणेश झा , नेपाली कांग्रेसका नेता गणेश तिवारी , रामजानकी यातायात प्रा.लि.का अध्यक्ष तथा नेपाली कांग्रेसका नेता मनोज चौधरी, नेपाल प्रेस युनियन धनुषाका अध्यक्ष राजन सिंह लगायतका व्यक्तिहरुको उपस्थिति रहेको थियो ।
                                    

7 महीना पहिले    202 Post Views