जनकपुरधाम,जेठ ५ गते । भारतको विहार राज्यसँग सीमा जोडिएका मधेश प्रदेशका ६ जिल्लाका सिमानाका आज बिहानदेखि ७२ घण्टाका लागि बन्द गरिएको छ ।
भारतको विहार राज्यको मधुबन्नी, सीतामढी तथा पूर्वी चम्पारनको केही लोक सभा क्षेत्रमा जेठ ७ गते अर्थात् मई २० तारेखमा चुनाव हुन लागेकाले दुवै देशका सुरक्षा अधिकारीहरूको सीमा संयुक्त समन्वय समितिको बैठकको निर्णय अनुसार सीमानाका बन्द गरिएको हो ।
चुनाव शुरु हुनु भन्दा ७२ घण्टा अघि चुनाव हुने क्षेत्रसँग नेपालको सीमाना जोडिएका सप्तरी, सिरहा, धनुषा, महोत्तरी, सर्लाही तथा रौतहटका सीमानाका आजदेखि सोमबार १२ बजे राति सम्मका लागि बन्द गरिएको जिल्ला प्रशासन कार्यालयहरूले जनाएका छन् ।
सीमा क्षेत्रमा सुरक्षा गस्ती बढाउनुका साथै मदिराको बिक्री वितरणमा कडाइ गरिएको छ । सीमा क्षेत्रमा संयुक्त गस्ती पनि बढाइएको छ ।
साभार : रेडियो नेपाल
                                    

1 वर्ष पहिले    200 Post Views