काठमाडौं, जेठ ११ : नेपालका लागि इजरायलका राजदूत हानान गोडर गोल्डबर्गरले उपराष्ट्रपति रामसहायप्रसाद यादवसँग शिष्टाचार भेट गरेका छन्।
उपराष्ट्रपतिको कार्यालयमा भएको भेटमा उनीहरुबीच दुई पक्षीय सम्बन्ध, कृषि तथा श्रम क्षेत्रमा सहयोगलगायत आपसी हित र चासोका विषयमा छलफल भएको छ।
अवसरमा उपराष्ट्रपति यादवले नेपाल र इजरायलबीच १ जुन १९६० मा कूटनीतिक सम्बन्ध स्थापना भएयता मित्रता, सद्भाव, समझदारी र सहयोगको सम्बन्ध रही आएको उल्लेख गर्।ृ,
उनले द्विपक्षीय व्यापार अभिवृद्धिका लागि थप प्रयत्नशील हुन आवश्यक रहेको समेत बताएका थिए। उनले नेपाल मध्यपूर्वमा शान्ति, अमनचयन र स्थिरताको पक्षमा बताए।
राजदूत गोल्डबर्गरले नेपाल र इजरायलबीच विभिन्न क्षेत्रमा समानता रहेको उल्लेख गर्दै दुई देशको सम्बन्ध वर्षौंयता सुमधुर र प्रगाढ रहेको बताए। उनले विपिन जोशीको रिहाइका लागि इजरायल सरकारले हरसम्भव प्रयास गरिरहेको बताए।
भेटमा राजदूत गोल्डबर्गरले इजरायलबाट एउटा प्रतिनिधिमण्डल नेपाल आएर विपिनको घरमै गएर परिवारलाई भेट्ने कार्यक्रम रहेको पनि बताए।
साभार : काठमाडौं प्रेस
                                    

2 वर्ष पहिले    281 Post Views