काठमाडौं, असार १६ : जनता समाजवादी पार्टीका अध्यक्ष उपेन्द्र यादवले भर्खरै सार्वजनिक भएको एसईईको नतिजाले नेपालको शिक्षा प्रणाली ध्वस्त भइसक्यो भन्ने सावित गरेको टिप्पणी गरेका छन्।
नेकपा एसको महाधिवेशन उद्घाटन सत्रलाई सम्बोधन गर्दै उनले अहिले लोकतन्त्र दलतन्त्र, नेतातन्त्र हुँदै स्वेच्छाचारीतन्त्रमा बदलिँदै गएको उल्लेख गरे। उनले स्वास्थ्य सेवामा माफियाहरुको विगविगी रहेको बताए।
‘अहिले लोकतन्त्र विस्तारै कमजोर भइरहेको छ । लोकतन्त्रको खतरा कुनै बाहिबाट छैन्, हामी भित्रैबाट छ। लोकतन्त्र दलको शासन एवम दलतन्त्र, नेतातन्त्र हुँदै स्वेच्छाचारीतन्त्रमा नेपालको लोकतन्त्र बदलिँदै गएको छ,’ उनले भने, ‘एसईईको नतिजा आयो, त्यसबाट के थाहा हुन्छ भने नेपालको शिक्षा प्रणाली ध्वस्त भइसक्यो। एसईईको नतिजाले त्यो पुष्टि गरेको छ। यता, स्वास्थ्य सेवामा माफियाहरुको बिगबिगी छ।’
उनले संसदलाई असंवैधानिक तरिकाले दुईदुई पटक भंग गरेर मुलुकलाई स्वेच्छाचारी शासनतर्फ धकेलिँदै गरेको अवस्थामा व्यवस्थाको रक्षा गर्नको लागि माधव नेपालले विद्रोह गरेर महत्वपूर्ण भूमिका निर्वाह गरेको बताए।
अध्यक्ष यादवले अहिले संघीय लोकतान्त्रिक गणतन्त्र ठूलो दुर्घटनाबाट जोगिएका बताउादै उनले त्यसमा माधव नेपाल र नेकपा एसको ठूलो योगदान रहेको बताए।
‘जुन बेलामा संसदलाई असंवैधानिक तरिकाले दुई–दुई पटक भंग गरेर मुलुकलाई स्वेच्छाचारी शासनतर्फ धकेलिँदै गरेको थियो। त्यो बेलामा लोकतन्त्र रक्षा गर्नको लागि प्राप्त अधिकारलाई जोगाउनको लागि उपलब्धीहरुलाई संस्थागत गर्नका लागि आवश्यक थियो,’ उल ने भने, ‘त्यो आवश्यकता परेको बेलामा यहाँहरुले विद्रोह गर्नुभयो र आज संघीय गणतन्त्रको रक्षाको महत्वपूर्ण भूमिका निर्वाह गरिरहनुभएको छ।’
यादवले हालै भएको राजदूत नियुक्तिमा पनि रकम लेनदेन भएको आरोप लगाए।
साभार : काठमाडौं प्रेस
                                    

5 महीना पहिले    85 Post Views