जनकपुरधाम, असार २९ गते । मधेश प्रदेशसभाले आर्थिक विधेयक २०८१ पारित गरेको छ । शनिबार बसेको प्रदेशसभा बैठकमा मुख्यमन्त्री तथा अर्थमन्त्री सतिशकुमार सिंहले सो विधेयक पारित गरियोस् भनी प्रस्ताव प्रस्तुत गरेका थिए ।सभामुख रामचन्द्र मण्डलले विधेयकलाई निर्णयार्थ पेश गर्दा बहुमतले पारित भएको छ ।
यो विधेयकमाथि सांसद किरण कुमारीले संशोधन प्रस्ताव दर्ता गराएकी थिइन् । उनको प्रस्ताव ध्वनि मतको आधारमा सर्वसम्मत अस्वीकृत भएको थियो ।सो विधेयकमाथि भएको दफावार छलफलमा सांसद रामआशिष यादव र प्रमोद यादवले उठाएको सवालमाथि मुख्यमन्त्री सिंहले जवाफ दिँदै कुनै प्रकारको कर नबढाएको स्पष्ट पारेका थिए ।
साभार : नेपाल प्रेस