जनकपुरधाम, कार्तिक २६ गते ।  झापाको मेचीनगरबाट कांग्रेसको युवा सङ्कल्प यात्रा आज जनकपुरधाम आइपुगेको छ । नेपाली कांग्रेस महासमिति सदस्य एवं नेपाल तरुण दलका पूर्व केन्द्रीय महामन्त्री भूपेन्द्रजंग शाही नेतृत्वको युवाहरूको टोली जनकपुरधाम आइपुगेको हो ।
टोलीलाई स्वागत गर्दै नेपाली कांग्रेसका पूर्व उपसभापति एवं पूर्व उपप्रधानमन्त्री विमलेन्द्र निधिले युवा सङ्कल्प यात्राको शुभकामना व्यक्त गर्दै यात्राले नेपाली काँग्रेसलाई जोड्ने काम गरोस् भन्ने कामना गर्नुभयो ।
यात्रामा ४० जनाको टोली रहेको नेविसंघका केन्द्रिय सदस्य विनोद साही ठकुरीले जानकारी दिनुभयो । सङ्कल्प यात्रामा संविधानसभा सदस्य एवं नेविसंघका पूर्व सभापति रञ्जित कुमार कर्ण, युवा नेताहरू धमेन्द्र नेम्वाङ‚ पशुपति पोखरेल, शेख वकिल‚ प्रेमिका राना‚ नरेश यादव‚ चन्द्रा देवी जोशी लगायत सहभागी हुनुहुन्छ ।
त्यस्तै राष्ट्रिय कलाकारहरू राधिका हमाल‚ उदिराम खड्का‚ सुनिल थापा‚ लेलिया विश्वकर्मा पनि टोलीमा हुनुहुन्छ । उहाँहरूले यात्राका क्रममा युवामैत्री सन्देशमूलक गीतहरू प्रस्तुति गर्दै आउनुभएको छ । युवा सङ्कल्प यात्रा कार्तिक २३ गतेदेखि सुरु भएको हो ।
साभार : रेडियो नेपाल
                                    

9 दिन पहिले    17 Post Views