जनकपुरधाम,पुस १ गते । पूर्व उपप्रधानमन्त्री एवं नेपाली काँग्रेसका पूर्व उपसभापति विमलेन्द्र निधिले लोकतन्त्र र सञ्चार एक अर्काको पूरक भएकाले लोकतन्त्रविना स्वतन्त्र सञ्चारको कल्पना गर्न कठिन हुने बताउनुभएको छ ।
पूर्व उपप्रधानमन्त्री निधिले नेपाल पत्रकार महासङ्घ धनुषाको निर्वाचनमा नव निर्वाचित पदाधिकारीहरूलाई आफ्नो जनकपुरधामस्थित निवासमा आइतवार सम्मान गर्दै नेपालको हरेक परिवर्तनमा सञ्चारकर्मीको अहम् भूमिका रहेकाले परिवर्तनलाई संस्थागत गर्नका लागि पनि कलम चलाउन आग्रह गर्नुभयो ।
उहाँले राज्यलाई सकारात्मक रूपमा मुलुक बनाउने कार्यमा अझ बढी जिम्मेवारी बनाउन खबरदारी गर्न जरुरी रहेको बताउनुभयो ।
काँग्रेसका नेता निधिले सङ्घीय लोकतान्त्रिक व्यवस्थालाई अझ बढी मजबुत बनाउनका लागि सञ्चारकर्मीहरूको पनि ठुलो जिम्मेवारी रहेको भन्नुहुँदै यसको अभ्यासमा भएको कमी कमजोरीको विषयमा कलम चलाइदिन आग्रह गर्नुभयो ।
उहाँले काँग्रेस जहिले पनि स्वतन्त्र सञ्चारको पक्षमा रहेको बताउनुभयो ।
साभार ः रेडियो नेपाल
6 दिन पहिले
11 Post Views
_1619862879.jpg)
