जलेश्वर । महोत्तरी निर्वाचन क्षेत्र नं. ३ को (क)मा लोकतान्त्रिक समाजवादी पार्टी (लोसपा) नेपालको अभिराम शर्मा र (ख) मा रानी कुमारी तिवारी विजयी हुनु भएको छ । निर्वाचन क्षेत्र नं. ३ (क) र (ख)मा विजय हुनु भएका लोसपा नेता शर्मा र तिवारी यस अघि २०७४ मा पनि सोही क्षेत्रबाट विजयी हुनु भएको थियो । महोत्तरीमा लोसपा नेपालको विजयी पहिलो हो । लोसपा नेता शर्मा आफ्ना निकटतम प्रतिद्वन्द्व जनता समाजवादी पार्टी (जसपा) नेपालका दिपेन्द्र झालाई मात्र १७४ फरक मतले विजय हुुन भएको छ । शर्माले ९ हजार ८९२ मत ल्याउनु भएको छ भने झाले ९ हजार ७१८ मत ल्याउनु भयो । यसै गरी निर्वाचन क्षेत्र नं. ३ (ख) मा लोसपा नेता तिवारीले ६ (छ) हजार ४१४ मत ल्याएर विजयी हुनु भएको छ । तिवारीका निकटतम प्रतिद्वन्द्वी स्वतन्त्र उम्मेदवार उज्ज्वल झाले ५ हजार ४८९ मत ल्याउनु भएको थियो भने एमाले उम्मेदवार राम दयाल मण्डल ४ हजार ५६० मत ल्याउनु भएको थियो । तिवारीले आफ्नो निकटतम प्रतिद्वन्द्वी सँग ९२५ मतको मतान्तरले विजयी हुनु भएको छ । साभार : गोरखापत्र
                                    

3 वर्ष पहिले    233 Post Views