काठमाडौं, जेठ ३० : गृहमन्त्री रमेश लेखकले राष्ट्रिय स्वतन्त्र पार्टीतर्फ लक्षित गर्दै आफ्नाविरुद्ध नक्कली जाहेरीहरू लेखिएको बिषय थाहा पाइसकेको बताएका छन्।
प्रतिनिधिसभाको बैठकमा आफूमाथि लागेको आरोपबारे स्पष्टीकरण दिनेक्रममा गृहमन्त्री लेखकले यस्तो भनाई राखेका हुन्। उनले नक्कली जाहेरी तयार गरी विभिन्न ठाउँमा मुद्दा दर्ता गर्न खोजिएको समेत बताए।
लेखकले भने, ‘पार्टीका कार्यालयमा नक्कली तथाकथितलाई बोलाएर नक्कली जाहेरीहरू लेखेर मेराविरुद्ध विभिन्न ठाउँमा दर्ता गर्ने प्रयन्त्र भइरहेका छन्। कुन पार्टी कार्यालयमा लेखिएको छ । त्यो मलाई जानकारी भइसकेको छ । यस्ता किर्ते जालसाज, अमर्यादिन कार्य गरेर राजनीतिक अभिष्ट पूरा गर्न नलाग्न म साथीहरूलाई आग्रह गर्छु।’
गृहमन्त्री लेखकले अपमानजनक कार्य र नक्कली पीडीत खडा गर्नेलाई पत्ता लगाएर कारबाही गरिने प्रतिबद्धतासमेत जनाए।
उनले पार्टी कार्यालय किर्ते जालसाजीपूर्ण कार्यालय बन्न थालेको बताउँदै सचेत रहन आग्रह गर्दै भने, ‘किन भने तपाईंकरू संभावना बोकेको हुनुहुन्छ।’
साभार ः काठमाडौं, प्रेस
_1782642472.jpeg)
