काठमाडौं, असार १० : जनता समाजवादी पार्टी नेपालले वर्तमान सरकारलाई दिएको समर्थन फिर्ता लिने निर्णय गरेको छ। 
मंगलबार बसेको पार्टी केन्द्रीय कार्यकारिणी समितिको बैठकले सरकारलाई दिएको समर्थन फिर्ता लिने निर्णय गरेको हो। 
बैठकले सरकारलाई दिएको समर्थन फिर्ता लिन पार्टीको संसदीय दललाई निर्देशन दिएको अध्यक्ष उपेन्द्र यादवले बताए। अब संसदीय दलले निर्णय गरेपछि औपचारिक रुपमा यो निर्णय कार्यान्वयन हुनेछ।
अध्यक्ष यादवले सरकारको एक वर्षको कामको डेलिभरी र मूल्यांकनका आधारमा निर्णय गरेको बताए। उनले अब संसदीय दलको बैठकले केही दिनमै निर्णय गर्ने बताए। 
जसपा नेपालले ओली सरकारलाई बाहिरबाटै समर्थन गरेको थियो।
जसपा नेपालले समर्थन फिर्ता लिए राष्ट्रिय सभामा सरकार अल्पमतमा पर्नेछ। ५९ सदस्यीय राष्ट्रिय सभामा सरकारमा सहभागी दलहरूको २७ जना मात्र सांसद छन्।
साभार : काठमाडौं प्रेस
                                    

8 महीना पहिले    240 Post Views