काठमाडौं ,असोज २२ गते । नेपाली कांग्रेसको केन्द्रीय समितिको बैठकमा महामन्त्री गगन थापाले क्रियाशील सदस्यताको अवस्थाबारे प्रतिवेदन पेस गर्ने भएका छन्। कांग्रेसको केन्द्रीय समिति बैठक असोज २६ गते बस्दै छ। 
बैठकमा प्रतिवेदन पेस गर्नेबारे छलफल गर्न आज क्रियाशील सदस्यता व्यवस्थापन समिति बैठक बसेको केन्द्रीय सदस्य प्रकाश रसाइली स्नेहीले बताए।
क्रियाशील सदस्यता व्यवस्थापन समितिका सदस्य समेत रहेका स्नेहीले भने, ‘जेनजीको आन्दोलनमा ४० जिल्लाको कार्यालयहरू आगजनी गरेका छन्। त्यहाँ अभिलेखको अवस्था कहाँ कहाँ के छरु क्रियाशील सदस्यताको अवस्था के छरु भन्नेबारे छलफल भयो।’
उनले क्रियाशील सदस्यताबारे २२ भन्दा धेरै जिल्लाको अपडेटको काम भइरहेको भएपनि आगजनीमा परेको बताए। महामन्त्रीले प्रतिवेदनमा आफूहरूले गरेको परिपत्र, केन्द्रीय समितिले दिएको निर्देशनलगायतको विषयमा पनि उल्लेख हुने बताए।

साभार : नेपाल प्रेस
                                    

4 महीना पहिले    124 Post Views