काठमाडौं । नेपाली कांग्रेसका प्रवक्ता प्रकाशशरण महतले बालाजुमा क्षेत्रमा भएको घटनाप्रति सरकारको ध्यानकर्षण गराएका छन् । बुधबार प्रतिनिधिसभाको बैठकमा बोल्दै दिनदहाडै आन्दोलनको नाममा लुटपाट हुँदा समेत सरकारले केही गर्न नसकेको बताए ।उनले न्यायोचितरूपमा यातायात मजदुरको माग सम्बोधन गर्न सरकारसँग माग गरे ।उनले भने, ‘मजदुरको नाममा त्यहाँ को प्रवेश गरेका छन् ? कसले प्रोत्साहित गरेका छन् ? त्यहाँको घटना पूरै भिडिओमा आएको छ । कुनै कारबाही अगाडि बढ्दैन । त्यसले हामीलाई गम्भीर बनाएको छ । काठमाडौंको मुटुमा सरकारले शान्ति सुरक्षाको प्रत्याभूति दिन सक्दैन भने दूरदराजमा बस्ने नागरिको हालत के होला ? दोषीलाई तत्कालै कारबाही गर्न माग गर्छु ।’मजदुरको नाममा गैर मजदुर प्रवेश गरेको हो वा होइन यथार्थ छानबिन गर्न उनले माग गरे ।साभार : नेपाल प्रेस
                                    

3 वर्ष पहिले    275 Post Views